"Milan" bosh murabbiyi Serxio Konseysau Italiya kubogi doirasida "Roma" ustidan qozonilgan g‘alabadan so‘ng (3:1) jurnalistlar savollariga javob berdi.
“Rossonerilar” Temmi Abraxamning dubli va debyutant Joau Feliksning goli evaziga yarim final yo‘llanmasini qo‘lga kiritdi.
"Men jamoaga kerakli deb o‘ylagan narsalarni yetkazishga harakat qilaman, ammo bizda ortiqcha vaqt yo‘q, chunki o‘yinlar har uch kunda o‘tkaziladi.
Shunga qaramay, futbolchilar mening talablarimni tushunishadi, ular aqlli va ikkinchi golimiz meni ayniqsa quvontirdi.
Aynan shu narsa ustida ishlagan edik. Biz individual va jamoaviy rivojlanishda davom etishimiz kerak", - deya Konseysauning so‘zlarini keltiradi Football Italia.
