"Ньюкасл" ярим ҳимоячиси Бруно Гимарайш Лига кубоги ярим финалида "Арсенал" устидан қозонилган ғалабадан сўнг (2:0) ўз таассуротлари билан ўртоқлашди.
Учрашувда Эдди Хау шогирдлари умумий 4:0 ҳисобида ғалаба қозонишди. Жавоб ўйинида "зағизғонлар" Жейкоб Мёрфи ва Энтони Гордоннинг ҳаракатлари эвазига гол уришди.
"Ҳамма ажойиб ўйин кўрсатди, биз мухлисларга раҳмат айтишимиз керак. Яна бир финал ва бу сафар кубок бизники бўлишига умид қиламиз.
Мен бу ҳақда орзу қиламан. Бу жуда муҳим ўйин бўлди, ўйин бошланишидан олдин асабийлашдим. "Арсенал" - топ жамоа, аммо биз шундай ўйнасак, жуда кучлимиз", - деди Гимарайш.
