“Манчестер Сити” клуби спорт директори лавозимини эгаллаб турган футбол расмийси Чики Бегиристайн ярим ҳимоячи Нико Гонсалес билан шартнома имзолагани ҳақида фикр билдирди.

"Гонсалес - ажойиб ёш футболчи. Мен уни клубимиз учун идеал трансфер деб биламан. Ушбу трансфер ойнасида у билан шартнома имзолаганимиздан жуда хурсандмиз. Нико Премьер-лига ва Чемпионлар лигасида муҳим ўйинлар бўладиган мавсумнинг иккинчи қисмида жамоага ёрдам беришга тайёр", - дейди Чики.

Португалия Примерасининг жорий мавсумида 23 ёшли ярим ҳимоячи 17 та ўйинда майдонга тушиб, 5 та гол ва 3 та голли узатмага муаллифлик қилган.