Матеус Куньянинг шартномасида озод қилиш банди мавжуд.
Ҳужумчининг "Вулверхэмптон" билан янги шартномасида товон пули 62,5 миллион фунтни ташкил этади.
Вариант ёзда кучга киради. Шунда исталган клуб бразилиялик футболчини "бўрилар" билан музокараларсиз, шу суммани тўлаб, сотиб олиши мумкин бўлади.
Қайд этилишича, футболчига "Арсенал", "Челси", "Тоттенхэм", "Астон Вилла" ва "Ноттингем Форест" клублари қизиқиш билдирмоқда.
Матеус Кунья жорий мавсумда Премьер-лигада 23 та ўйинда майдонга тушиб, 11 та гол урди ва 4 та голли узатмани амалга оширди.
