Москванинг "Спартак" клуби ўзининг расмий сайти орқали янги харидни амалга оширганини эълон қилди.
"Спартак"нинг янги футболчиси Грециянинг АЕК клубидан кўчиб ўтган ҳужумчи Леви Гарсия. Тринидад ва Тобаго терма жамоасининг 27 ёшли футболчиси билан уч ярим йиллик шартнома имзоланган.
Леви Гарсия "Спартак" сафида 11-рақам остида ўйнайди. Илгари бу рақам остида Шамар Николсон ўйнаган. Гарсия "қизил-оқлар" билан БААдаги қишки йиғинда шуғуллана бошлаган. "Спартак" трансфер шартларини ошкор қилмади. Олдинроқ матбуотда "қизил-оқлар" Гарсия учун 20 миллион евро тўлаши ҳақида ёзган эди. "Спартак" айни дамда Россия Премьер-лигаси турнир жадвалида учинчи ўринни эгаллаб турибди.
