Moskvaning "Spartak" klubi o‘zining rasmiy sayti orqali yangi xaridni amalga oshirganini e’lon qildi.
"Spartak"ning yangi futbolchisi Gresiyaning AYEK klubidan ko‘chib o‘tgan hujumchi Levi Garsiya. Trinidad va Tobago terma jamoasining 27 yoshli futbolchisi bilan uch yarim yillik shartnoma imzolangan.
Levi Garsiya "Spartak" safida 11-raqam ostida o‘ynaydi. Ilgari bu raqam ostida Shamar Nikolson o‘ynagan. Garsiya "qizil-oqlar" bilan BAAdagi qishki yig‘inda shug‘ullana boshlagan. "Spartak" transfer shartlarini oshkor qilmadi. Oldinroq matbuotda "qizil-oqlar" Garsiya uchun 20 million yevro to‘lashi haqida yozgan edi. "Spartak" ayni damda Rossiya Premyer-ligasi turnir jadvalida uchinchi o‘rinni egallab turibdi.













