"Ан-Наср"нинг тижорат директори Жорди Дюрантенинг фикрича, жамоанинг 40 ёшли ҳужумчиси Криштиану Роналду Саудия клубида ўйнаб, 1000та гол уришга эришади. Шу кунгача португалиялик футболчи ҳисобида 924 та гол бор.

– Роналду каби катта юлдузи бор клубда ишлаш қанчалик қийин?

- Жуда оддий. У клубдаги барчанинг профессионал бўлишига ёрдам беради ва хорижликларнинг эътиборини бизга қаратади. Унинг барча иш жараёнларида мавжудлиги бизнинг ривожланишимизга таъсир қилади. Унинг профессионаллиги ҳамма нарсада кўринади.

- У 1000та голга яқинлашиб қолди. Сизнингча, у буни енгиб ўтадими?

- Ишончим комилки, у "Ан-Наср" таркибида 1000 та гол уради. Шу муносабат билан биз катта байрам ўтказамиз", - дея Дюранте.

Роналду клублар миқёсида 789 та, Португалия терма жамоаси сафида эса яна 135 та гол урган. Жорий мавсумда ҳужумчи барча турнирларда 25 та учрашувда иштирок этиб, 23 та гол урди ва 4 та голли узатмани амалга оширди. Роналдунинг клуб билан амалдаги меҳнат шартномаси 2025 йилнинг ёзига қадар тузилган.