Мадриднинг “Атлетико” клуби бош мураббийи Диего Симеоне “Реал”га (1:1) қарши ўйинда ҳакамлар фаолияти ҳақида ўз таассуротлари билан ўртоқлашди.
Дерби тугагандан сўнг ҳакамлик энг кўп муҳокама қилинган мавзулардан бирига айланди, чунки бу аввал ҳам кўп бўлган.
Айниқса, 35-дақиқада "қаймоқранглилар" дарвозасига белгиланган пенальти ҳам бунга сабаб бўлди.
Кўпчилик қизил карточкага лойиқ деб топилган Дани Себальоснинг қўпол ўйини ҳақида ҳам гап борди.
“Ҳакамнинг иши? У адолатли эди. Агар Себальос билан бўлган воқеа ҳақида гапирадиган бўлсак, баъзилар буни қизил карточка сифатида кўрадилар, бошқалари эса йўқ", - дея матбуот анжуманида ОАВ саволларига жавоб берди Симеоне.
