"Комо" бош мураббийи Сеск Фабрегас жамоасини юлдуз дарвозабон билан кучайтирмоқчи. Todofichajes хабарига кўра, мутахассис ҳозирда Италиянинг бошқа бир клуби "Фиорентина"да ўйнаётган 34 ёшли испаниялик Давид де Хеа билан қизиқмоқда.
"Комо" жорий мавсум охирида Де Хеа билан шартнома имзолаши мумкин. Давид эркин агентга айланиши мумкин, чунки унинг "бинафшаранглар" билан шартномаси 2025 йилнинг июн ойи охирида тугайди. Испаниялик футболчининг трансфер қиймати 5 миллион еврога баҳоланмоқда.
Италия чемпионатининг жорий мавсумида Давид 20 та ўйин ўтказди. Испаниялик футболчи ўз дарвозасидан 20 та гол ўтказиб юборди.
