Александр Ба ва Ману Силва жароҳати сабаб узоқ муддатга сафдан чиқди.
Аввалроқ, "Бенфика" Португалия чемпионатининг 21-туридан ўрин олган баҳсда ўз уйида "Морейренсе"ни мағлуб этганди (3:2).
Учрашувда мезбонларнинг икки нафар футболчиси - 23 ёшли ярим ҳимоячи Ману Силва ва 27 ёшли ҳимоячи Александр Ба жароҳат олди. Бугун клуб футболчилар олган жароҳатлари ҳақида маълумот берди.
Банинг чап тиззасидаги олдинги хоч боғлами тўлиқ ёрилиб кетган. "Бенфика"га янги келган Ману Силвага ҳам худди шундай ташхис қўйилган.
Клуб расмий сайтида чоп этилган тиббий хулосага кўра, ҳар икки футболчи ҳам операция қилинади ва бу мавсумда бошқа майдонга тушмайди.
