"Байер" бош мураббийи Хаби Алонсо "Бавария"га қарши Бундеслиганинг муҳим ўйини олдидан ўз фикрлари билан ўртоқлашди.

Леверкузенликлар турнир жадвалида 21 турдан кейин пешқадам Мюнхен жамоасидан 8 очко ортда қолиб, иккинчи ўринда бормоқда. 15 февраль куни чемпионлик унвони учун икки даврларнинг ўзаро учрашуви бўлиб ўтади.

"Мақсадимиз ғалаба қозониш. Агар шундай бўладиган бўлса, орадаги фарқ беш очкога қисқаради. Биз ҳаракат қиламиз. Ўйин ўз стадионимизда, мухлисларимиз кўз ўнгида, яхши муҳитда ўтади. Бизда машғулотлар учун бутун бир ҳафта бор. Биз қўрқмаймиз, стрессни бошдан кечирмаймиз. Мен умуман ташвишланмайман", - деди Хаби Алонсо.