Швеция терма жамоаси ва Лиссабоннинг "Спортинг" клуби ҳужумчиси Виктор Дьёкереш Англия Премьер-лигасининг топ-клубларидан бирида ўйнаши мумкин. Todofichajes портали хабарига кўра, Лондоннинг "Арсенал" клуби скандинавиялик ҳужумчини ўз сафига қўшиб олмоқчи.
"Канонирлар" ёзги трансфер ойнасида ҳужумчи сотиб олмоқчи. Инглизлар Дьёкереш учун 65 миллион евро тўлашга тайёр. Виктор Португалия клубида 2023 йилнинг ёзидан буён ўйнамоқда. Томонлар ўртасидаги меҳнат шартномаси 2028 йил июнь ойи охирида тугайди. Примьеранинг жорий мавсумида форвард 20 та ўйин ўтказиб, 22 та гол урди ва 3 та голга ассистентлик қилди.
