"Реал"нинг собиқ чап қанот ҳимоячиси Марсело Жозе Моуриньонинг сабоқларини эслади.
Бразилиялик футболчи яқинда футболчилик фаолиятини якунлаганини эълон қилди. Латерал 2007 йилдан 2022 йилгача "қаймоқранглилар" рангларини ифодалаган.
"Моуриньо менга тажовузкорроқ бўлишни ўргатди. Мен фақат тўп билан ўйнаш ҳақида ўйлардим, лекин Жозе билан биринчи навбатда рақибдан тўпни олиб қўйиш кераклигини англадим. Моуриньо менга катта ёрдам берди. У айтди: "Сиз ўзингизни қандай ҳимоя қилишни билмайсиз, лекин мен сизга буни қандай қилишни ва сизни яхшилашни ўргатаман". Бу яхши бўлди", деди 36 ёшли Марсело.













