"Реал" бош мураббийи Карло Анчелотти "Манчестер Сити"нинг жорий мавсумдаги муваффақиятсизликлари ҳақида фикр билдирди.
Амалдаги Англия чемпиони АПЛ турнир жадвалида пешқадам “Ливерпул”дан 15 очко ортда қолган холда бешинчи ўринни эгаллаб турибди.
Хосеп Гвардиола жамоаси ҳам Чемпионлар лигасида унчалик муваффақият қозона олмади ва умумий ҳисобда 22-ўринни эгаллади.
"Манчестер Сити"нинг формаси ёмонми? Албатта, бу мени ҳайратда қолдирди. Улар жароҳатлар ва мағлубиятлар билан оғир даврни ўтказишди, аммо ҳозир мен кўрганимдек, жамоа ҳар доимгидек яна рақобатбардош", деди Анчелотти сешанба куни Чемпионлар лигаси доирасида "Сити"га қарши ўйин олдидан матбуот анжуманида.













