"Манчестер Сити" ярим ҳимоячиси, "Олтин тўп" соҳиби Родри Эрнандес тиззасининг хочсимон пайлари жароҳатидан тикланиш жараёни ҳақида сўзлаб берди.
"Бу ҳаётимизнинг бир қисми. Спортчилар бунга тайёр бўлишлари керак. Аммо мен доим нимададир ижобийлик излайман. Бор нарсам учун Яратганга шукроналар айтаман. Ҳозирда машғулотлар ўтказяпман ва танамнинг бошқа қисмларини кучайтиряпман," - дея ярим ҳимоячининг сўзларини келтиради Sky Sports.
Испаниялик ҳимоячи Англия Премьер-лигасининг жорий мавсумида атиги иккита ўйин ўтказди. Родри мавсум охиригача майдонга қайтишига умид қилмоқда.
