"Manchester Siti" yarim himoyachisi, "Oltin to‘p" sohibi Rodri Ernandes tizzasining xochsimon paylari jarohatidan tiklanish jarayoni haqida so‘zlab berdi.
"Bu hayotimizning bir qismi. Sportchilar bunga tayyor bo‘lishlari kerak. Ammo men doim nimadadir ijobiylik izlayman. Bor narsam uchun Yaratganga shukronalar aytaman. Hozirda mashg‘ulotlar o‘tkazyapman va tanamning boshqa qismlarini kuchaytiryapman," - deya yarim himoyachining so‘zlarini keltiradi Sky Sports.
Ispaniyalik himoyachi Angliya Premyer-ligasining joriy mavsumida atigi ikkita o‘yin o‘tkazdi. Rodri mavsum oxirigacha maydonga qaytishiga umid qilmoqda.
