"Интер" ҳужумчиси қишки трансфер ойнасида клубни тарк этиши мумкин эди, аммо у жамоада қолишга ва асосий таркибдаги ўрни учун курашишга қарор қилди.
Журналист Николо Шкиранинг хабарига кўра, 35 ёшли Марко Арнаутович ўтган ҳафтада "Интер"ни тарк этиши мумкин эди, чунки унга бир қанча клублар, жумладан, "Фиорентина" ҳам қизиқиш билдираётган эди.
Қизиғи, сўнгги баҳсда Арнаутович "Фиорентина" дарвозасига гол уриб (2:1) "Интер"га муҳим ғалабани келтирди.
Австриялик ҳужумчи жорий мавсумда клуб сафида барча турнирлар доирасида 15 та ўйинда майдонга тушиб, 3 та гол урди ва 1 та голли узатмани амалга оширди.
