"Ливерпуль" бош мураббийи Арне Слот ушбу ҳафта Мерсисайд дербисини ўтказиб юборадиган жароҳат олган футболчилар ҳақида сўнгги маълумот берди.

"Трент Александер-Арнольд кеча жамоа билан қисман машғулот ўтказди. У бугун машғулотларда қатнаша оладими ёки йўқми, кўрамиз. Умид қиламанки, у биз билан яна машғулот ўтказади ва шундан сўнг у кейинги ўйинда таркибда бўладими ёки йўқми, буни ҳал қиламиз.

Жо Гомес охирги марта жароҳат олган оёғи билан боғлиқ муаммоларга дуч келди. Биз ҳали ҳам унинг жисмоний ҳолатини баҳолаймиз, аммо у эртага аниқ ўйнамайди. Унинг жароҳати хавотир уйғотмоқда", деди мураббий.

"Эвертон" ва "Ливерпуль" ўртасидаги АПЛнинг 15-тур учрашуви 12 февраль, чоршанба куни бўлиб ўтади.