“Барселона” ярим ҳимоячиси Педри ўз интервьюсида мавсум бошида немис мураббийи ундан ҳужумга яқин бўлишни ва жамоа ўйинининг бош дирижёри бўлишни сўраганини айтди.

"Менга бу позиция жуда ёқади, чунки мен доимо тўп билан алоқада бўламан, унга кўп тегаман, ўйин мен орқали ўтади. Мен ўзимни қулайроқ ҳис қиламан ва ҳимоявий ҳаракатларда ўзимни яхшироқ жойлаштиришни ўргандим", - дея тушунтирди Педри.

Жорий мавсумда 22 ёшли ярим ҳимоячи “Барселона” сафида барча мусобақаларда 35 та ўйинда майдонга тушиб, 4 та гол урди ва 6 та голли узатмани амалга оширди.