Флорентино Перес ўтган ёзда Винисиус Жуниор трансферини муҳокама қилишдан бош тортганди.
AS хабарига кўра, 2024 йилнинг ёзида Саудия Арабистони суверен фонди (PIF) вакили "Реал" президенти билан учрашиб, вингернинг эҳтимолий трансферини муҳокама қилишни сўраган. Перес бразилиялик футболчининг шартномасида кўрсатилган 1 млрд евро миқдоридаги товон пули бандини рўкач қилиб, рад жавобини берган.
Шундан сўнг, саудияликлар вакили Хосе Анхел Санчес билан телефон орқали мулоқот қилди, Мадрид клуби директори Винисиус сотилмаслигини айтди.
Футболчига яқин манбаларга кўра, келаси ёзда саудияликлар Винисиусни ўз сафига қўшиб олишга яна бир бор уриниб кўради. Футболчига 5 йиллик шартнома бўйича 1 млрд евро таклиф қилиниши мумкинлиги айтилганди. Бразилияликнинг ўзи ҳозирги жамоасини тарк этишни режалаштирмаяпти.
