"Манчестер Юнайтед" вингери Антони январь ойидан буён ижара асосида тўп тепаётган "Бетис"да ўзини кўрсата олмоқда.
Пайшанба куни 24 ёшли футболчи Севилья шаҳри клубига Конференциялар лигасида "Гент"ни мағлуб этишга ёрдам берди (3:0) ва ўйиндаги илк гол муаллифига айланди. Бразилиялик футболчи "Бетис" сафида учта ўйинда иккита гол урган.
"Мен ич-ичимдан "Бетис"да бахтли бўлишимни билардим. Бунга ишончим комил эди. Бу ғалаба мухлислар учун, улар бизни ҳеч қачон қўллаб-қувватлашдан тўхташмайди," - дея Антонининг сўзларини келтиради журналист Фабрицио Романо.
