Эртага Қатар миллий терма жамоаси Доҳадаги "Жассим бан Ҳамад" стадионида Эронни қабул қилади. ЖЧ саралаш баҳси олдидан Қатар терма жамоаси директори Абдулраҳмон ал-Маҳмуд йигитларнинг кайфияти жанговар эканини таъкидлади.
"Латвия ва Озарбойжонга қарши ўйинлардан кейин йигитларнинг кайфияти жанговар. Мен мухлисларни стадионга чорлаб, Эронга қарши ўйинда терма жамоани қўллаб-қувватлашга чақираман. Стадионда мухлисларнинг кўп бўлиши муҳим аҳамиятга эга. Биз Эронга қарши баҳсга тайёрмиз. Ўйин осон бўлмайди, аммо мухлисларнинг қўллаб-қувватлаши ёрдамида биз ғалаба қозонишимиз мумкин", дейди Абдулраҳмон.
Қатар терма жамоаси гуруҳда 7 очко билан 4-ўринни эгаллаб турибди. Улар кеча куннинг биринчи ярмида Аспайр академиясида шуғулланишган бўлса, тушдан сўнг "Жассим бин Ҳамад" стадонида машғулот олиб боришди. Бугун Қатар ва Эрон ушбу стадионда расмий машғулот олиб боришади.