"Манчестер Юнайтед" Бенжамин Шешкога қизиқиш билдирмоқда.
The Athletic хабарига кўра, "МЮ" словениялик форвардни 2018 йилдан бери кузатиб келмоқда.
"Юнайтед" Эрик тен Хаг давридаги биринчи ёзда (2022 йилда) Шешко бўйича музокаралар олиб борган, аммо футболчи трансферга тайёр эмас эди. Ўтган йили ҳам муҳокамалар бўлганди.
Қайд этилишича, "Лейпциг"нинг 21 ёшли ҳужумчисининг ўйин услуби "МЮ" устози Рубен Аморимга мос келади. Бироқ, эҳтимолий трансферни мураккаблаштирувчи омиллар сифатида битим учун кутилаётган тўлов ва "Арсенал"нинг қизиқиши кўрсатилмоқда.
