"ПСЖ" ёзда Иброҳим Конате билан шартнома имзоламоқчи.

ESPN хабарига кўра, француз клуби Маркиньос учун марказий ҳимоячи сифатида узоқ муддатли шерик топишни режалаштирмоқда.

Конате эса ўз навбатида ватани Парижга қайтиш истагида ва Лига 1 клуби таклифини эшитишга тайёр.

Ҳимоячининг "Ливерпуль" билан амалдаги шартномаси 2026 йилгача мўлжалланган. Мерсисайдликлар айни дамда футболчини сақлаб қолишга интилмоқда. Конате ўтган ойда бўлиб ўтган матбуот анжуманида унга янги шартнома таклиф қилишганини тасдиқлади, бироқ ўз қарори ҳақида гапиришдан бош тортди.