"Реал Мадрид" жамоаси бош мураббийи Карло Анчелоттига ишонишда давом этмоқда ва ҳозирда уни истеъфога чиқаришни режалаштирмаяпти, аммо "қаймоқранглилар"нинг натижалари ҳал қилувчи бўлади. Бу ҳақда Relevo хабар бермоқда.

Манбага кўра, агар "Қироллик клуби" жорий мавсум якунида Испания чемпионати ёки Чемпионлар лигасида ғолиб чиқса, италиялик мутахассис 2026 йилнинг ёзига қадар мўлжалланган шартномаси якунига қадар у ерда қолади. Агар бу мусобақаларда муваффақият қозонилмаса, Анчелотти катта эҳтимол билан истеъфога чиқарилади.

Ла Лиганинг 23-туридан кейин "Реал Мадрид" 50 очко билан биринчи ўринда бормоқда.