Сержиу Консейсау "Верона"га қарши ўйиндан кейин матбуот билан мулоқот қилмади.
"Милан" А Сериянинг 25-турида 1:0 ҳисобида ғалаба қозонди. "Россонерилар" бош мураббийи "Порту"нинг собиқ президенти Жорже Пинто да Кошта вафот этганидан хабар топгач, ўйиндан кейин интервью бермасликка қарор қилди.
"Мураббий кийиниш хонасида, у жуда хафа. "Порту" президенти унинг учун отасидек эди.
Бугунги ғалаба муҳим. Биз устунлик қилдик, улар бу ерга ҳимояланиш учун келишди. Агар ўйин бошида гол урганимизда, ўйин очилиб, ҳаммаси ўзгарган бўларди," - деди "Милан" хўжайинлари маслаҳатчиси Златан Ибраҳимович Sky Sport эфирида.
