Мадриднинг "Атлетико" клуби ҳужумчиси Антуан Гризманн фаолиятини ўз ватанида давом эттириши мумкин.

"Матрасчилар" юлдузининг амалдаги шартномаси 2026 йилнинг ёзида ўз ниҳоясига етади ва футболчининг келажаги мавҳумлигича қолмоқда. Transfer News Live'нинг Fichajes нашрига таяниб хабар беришича, франциялик футболчини "ПСЖ" ўз сафига қўшиб олиш имкониятини кўриб чиқмоқда. Жорий мавсум якунлангач, форвардни арзон нархда харид қилиш мумкин.

Март ойида Антуан Гризманн 34 ёшга тўлади. Transfermarkt портали мутахассислари футболчининг нархини 22 млн еврога баҳоламоқда.