"Ювентус" ва Федерико Гатти февраль ойида шартномани узайтириш масаласини муҳокама қилади.
Аввалроқ, Турин клуби 26 ёшли ҳимоячи билан янги битим тузиш учун тайёргарликни якунлаётгани маълум бўлганди. Шартнома беш йилга мўлжалланган бўлиши кутилмоқда.
Tuttosport хабарига кўра, шартнома бўйича навбатдаги расмий учрашув ойнинг охирида бўлиб ўтиши режалаштирилган. Клуб футболчига бир мавсум учун 2,5 миллион евро маош таклиф қилишга тайёр. Қайд этилишича, клуб техник директори Криштиану Жунтоли Гаттининг етакчилик қобилиятини юқори баҳолайди.
Футболчининг ўзига "Ювентус"да ўйнаш ва шу билан бирга оиласи ёнида бўлиш ёқади.
