"Райо Вальекано" бош мураббийи Иньиго Перес "Барселона" ярим ҳимоячиси Педрининг ўйинидан ҳайратга тушди.

Жамоалар ўртасидаги учрашув душанба куни бўлиб ўтди ва унда каталонияликлар ғалаба қозонди - 1:0. Учрашувнинг энг яхши футболчиси сифатида ярим ҳимоячи Педри эътироф этилди.

"Ўйиндан олдин Педрини зарарсизлантириш бўйича махсус режа туздик. Унинг қандай ҳаракат қилишини, тўпни қандай узатишини ўргандик. Ҳаракат қилдик. Мен у учун хурсандман, у барқарорликка эришди. У ҳимояланишга ҳам, ҳужум қилишга ҳам қодир. Унинг ўйинини томоша қилиш жуда ёқимли, аммо бугун эмас," - деди Иньиго Перес ўйиндан кейинги матбуот анжуманида.