"Реал Сосьедад"ни қийин ёз кутмоқда, чунки уларнинг учта етакчи ўйинчиси Премьер-лига клубларининг катта қизиқиши туфайли клубни тарк этиши мумкин, деб хабар беради Fichajes.
Такефуса Кубо. 2029 йилгача мўлжалланган шартномаси бўлган япониялик футболчи "Ливерпуль" эътиборини тортди. Инглиз гранди уни Муҳаммад Салоҳнинг ўрнини босувчи футболчи сифатида кўрмоқда.
Мартин Субименди. Ла Лиганинг энг талабгир ярим ҳимоячиларидан бири Англиянинг икки топ-клуби эътиборини тортди. "Арсенал" ва "Ливерпуль" унинг товон пулини фаоллаштиришга тайёр. "Сосьедад" билан амалдаги шартнома 2027 йилгача мўлжалланган, шунинг учун футболчининг тақдири манфаатдор жамоаларнинг қарорига боғлиқ бўлади.
Жон Арамбуру. "Ньюкасл" ҳимоясини кучайтира оладиган венесуэлалик ҳимоячини кузатмоқда. Арамбурунинг 2030 йилгача шартномаси ва товон пули 60 миллион евро, аммо унинг барқарор ўйинлари ва ваъдаси Премьер-лига клубларида қизиқиш уйғотди.
Агар ушбу трансферлар амалга ошса, "Реал Сосьедад" ўз стратегиясини қайта кўриб чиқишга мажбур бўлиши мумкин, бу эса кейинги мавсумга тайёргарлик кўришда катта қийинчилик туғдиради.
