Ливан-Ж.Корея учрашувидан олдинги матбуот анжуманида кореяликлар бош мураббийи ҳам иштирок этиб, журналистлар саволларига жавоб қайтарди. Айтиш жоиз, кореялик мураббий бу сафар у қадар баландпарвоз оҳангда сўзлагани йўқ.

Чой Канг Хи (Жанубий Корея терма жамоаси бош мураббийи): "Бу натижа биз Бразилияга борамизми-йўқми, деган саволга аниқлик киритиб беради. Майдон эгалари ўз мухлислари кўз ўнгида ғалаба қозониш ҳақида ўйламоқдалар. Жамоам таркибида бир қатор ўзгаришларни амалга оширдим. Аммо шунга қарамай чизиқлар орасидаги узвий боғлиқликни сақлаб қолиш муҳим аҳамият касб этади."

Мураббий билан матбуот анжуманига бирга ташриф буюрган Корея терма жамоаси сардори Квак Тае икки оғиз сўз билан кифояланди: "Учрашувда ғалаба қозониш учун шахсан ўзимнинг иштиёқим жуда юқори. Қисқа қилиб айтганда, ғалаба - ягона мақсадимиз."