Ўтган мавсумда "Реал" Чемпионлар Лигаси чорак финалида "Манчестер Сити"ни пенальтилар сериясида мағлуб этганди. Бернарду Силва ўша оқшом ўйиндан кейинги серияда 11 метрлик жарима зарбасидан фойдалана олмади - у марказга юмшоқ зарба берди, аммо Андрей Лунин ўз ўрнида қолди ва хотиржамлик билан тўпни ушлаб олди. "Реал"га қарши ўйин олдидан ўтказилган матбуот анжуманида Бернарду ўша муваффақиятсизлигини эслади.
"Бу ёқимсиз эди, лекин мен ҳозир ўша вазиятни эслашн хоҳламайман. Пенальтиларда фақат бир ҳолатда адашмаслик мумкин - агар зарба бермасангиз. Ўшанда марказга зарба бердим, аммо дарвозабон буни кутган экан. Агар яна пенальтилар серияси бўлса, кейинги босқичга ўтиш учун ҳамма нарсани қиламиз," - деди Силва журналистларга.
