O‘tgan mavsumda "Real" Chempionlar Ligasi chorak finalida "Manchester Siti"ni penaltilar seriyasida mag‘lub etgandi. Bernardu Silva o‘sha oqshom o‘yindan keyingi seriyada 11 metrlik jarima zarbasidan foydalana olmadi - u markazga yumshoq zarba berdi, ammo Andrey Lunin o‘z o‘rnida qoldi va xotirjamlik bilan to‘pni ushlab oldi. "Real"ga qarshi o‘yin oldidan o‘tkazilgan matbuot anjumanida Bernardu o‘sha muvaffaqiyatsizligini esladi.

"Bu yoqimsiz edi, lekin men hozir o‘sha vaziyatni eslashn xohlamayman. Penaltilarda faqat bir holatda adashmaslik mumkin - agar zarba bermasangiz. O‘shanda markazga zarba berdim, ammo darvozabon buni kutgan ekan. Agar yana penaltilar seriyasi bo‘lsa, keyingi bosqichga o‘tish uchun hamma narsani qilamiz," - dedi Silva jurnalistlarga.