Георгий Судаков фаолиятини Европанинг топ-лигаларидан бирида давом эттириши мумкин.
«Give me Sport» хабарига кўра, "Шахтёр" ярим ҳимоячисига ҳамон "Наполи" қизиқиш билдирмоқда. Украина терма жамоаси футболчиси трансферига яна бир даъвогар "Вест Хэм" бўлиб турибди.
Катта эҳтимол билан 22 ёшли футболчи ёзда ҳозирги жамоасини тарк этади. "Шахтёр" хавбек учун 65 миллион евро талаб қилади.
Қайд этилишича, "Порту" қишки трансферлар ойнасида Судаковни сотиб олмоқчи бўлган, аммо рад жавобини олган.
Ярим ҳимоячи жорий мавсум Украина чемпионатида 16 та ўйинда майдонга тушиб, 8 та гол ва 2 та голли узатмага муаллифлик қилди.
