Жуд Беллингем Чемпионлар Лигаси 1/8 финалининг дастлабки эҳтимолий ўйинида майдонга тушмайди.
"Реал" ярим ҳимоячисининг турнирда сариқ карточкалар сони кўпайиб кетди. Англиялик футболчи плей-оффнинг "Манчестер Сити"га қарши ўйиннинг (2:0, танаффус) 38-дақиқасида карточка олди.
Беллингем "шаҳарликлар" ярим ҳимоячиси Фил Фоденга нисбатан қўполлиги учун жазоланди.
Учрашувни Иштван Ковач бошчилигидаги ҳакамлар бригадаси бошқариб бормоқда.
Эслатиб ўтамиз, "Реал" икки ўйин натижасига кўра ғалаба қозонса, "Атлетико" ёки "Байер" билан 1/8 финалда учрашиши мумкин.
