"Реал" ҳужумчиси Килиан Мбаппе Чемпионлар Лигаси плей-офф босқичидан ўрин олган "Манчестер Сити"га (3:1) қарши жавоб ўйинининг энг яхши футболчиси деб топилди. Француз хет-трик қайд этди.
"У бошқаларга қараганда кўпроқ ўйинга таъсир қилди, рақиб дарвозасига тўхтовсиз зарбалар берди ва доимий таҳдид яратди," - дея таъкидлади УЕФА техник кузатувчилари гуруҳи.
"Реал" 1/8 финалга чиқди ва у ерда "Атлетико" ёки "Байер" билан ўйнайди. Қуръа 21 февраль, жума куни бўлиб ўтади.













