20 февраль, пайшанба куни Конференциялар лигаси плей-оффининг жавоб ўйинлари бўлиб ўтди ва 1/8 финалнинг барча иштирокчилари маълум бўлди.

"Пафос" (Кипр), "Бетис" (Испания), "Борац" (Босния ва Герцеговина), "Копенгаген" (Дания), "Мольде" (Норвегия), "Целе," (Словения), "Панатинаикос" (Греция), "Ягеллония" (Польша) жамоалари плей-офф баҳсларида ғалаба қозонди.

Умумий босқич якунларига кўра, турнир жадвалида дастлабки 8 ўринни эгаллаган "Челси" (Англия), "Витория Гимараэс" (Португалия), "Фиорентина" (Италия), "Рапид" (Австрия), "Юргорден" (Швеция), "Лугано" (Швейсария), "Легия" (Польша) ва "Серкль Брюгге" (Бельгия) жамоалари 1/8 финалга йўл олганди.

Қуръа 21 февраль, жума куни бўлиб ўтади. 1/8 финал ўйинлари 6 ва 13 март кунлари бўлиб ўтади.