"Барселона" юлдузи Ламин Ямал жамоанинг германиялик устози Ханс-Дитер Флик билан ишлаш борасида ўз фикрлари билан ўртоқлашди.
- Бошиданоқ, Флик жамоага раҳбарлик қила бошлагач, ҳаммаси яхши бўлиб кетди. Ёзда Европа чемпионатида терма жамоа ихтиёрида эдим, аммо у билан гаплашишга улгурдим. Унинг ҳаммамизга меҳр қўйганига, ҳар биримиз билан гаплашишга ҳаракат қилганига ҳайрон қолдим. У доимо содир бўлаётган воқеаларнинг сабабини тушунтиришга ҳаракат қилади. Флик менинг энг яхши мураббийларимдан бири", - деди Ямал Mundo Deportivo нашрига берган интервьюсида.
Ямал Каталония клуби тарбияланувчиси ҳисобланади. Жорий мавсумда 17 ёшли футболчи Ла Лигада 21 та ўйинда майдонга тушиб, 10 та гол урди ва шерикларига шунча голли узатма берди.
