"Барселона" марказий ҳимоячиси Иньиго Мартинес клубнинг янги шартнома бўйича таклифига розилик билдирди.
Испаниялик "кўк-анорранглилар" билан 2026 йилнинг ярмигача мўлжалланган шартнома имзолайди. Mundo Deportivo хабарига кўра, томонлар ҳамкорлик шартларини тўлиқ келишиб олган, бироқ Ла Лига молиявий аҳвол туфайли клубга бу ҳақда эълон қилишга рухсат бермаган. Шу тариқа, келишув фақат июль ойида, мавсум якунлангач, расман тасдиқланади.
Иньиго Мартинес жорий мавсумда Ханс-Дитер Флик жамоаси сафида 30 та ўйинда майдонга тушиб, 2 та гол ва 4 та голли узатмани амалга оширди. Май ойида футболчи 34 ёшга тўлади.
