"Барселона" бош мураббийи Ханс-Дитер Флик нима учун Дани Ольмони асосий таркибда туширмаётгани ҳақида гапирди.
Ҳужумкор хавбек "кўк-анорранглилар"га "Лас-Пальмас" устидан ғалаба қозонишда ёрдам берди ва захирадан майдонга тушганидан кўп ўтмай, 62-дақиқада гол урди. Испаниялик футболчи жароҳати туфайли январь ойи ўрталаридан февраль ойи бошигача майдонга тушмади - шундан бери у асосий таркибда майдонга тушмади.
"Нега Ольмо асосий таркибда эмас? Чунки унда жароҳат бор эди. Ўйлайманки, бошқа футболчилар жисмоний тайёргарлик даражаси бўйича ундан олдинда. Дани биз учун муҳим, аммо унга формага кириш учун вақт керак," - дея жавоб берди Флик ўйиндан кейинги матбуот анжуманида.
