"Манчестер Сити" бош мураббийи Пеп Гвардиола АПЛда кучли тўртликка кириш унинг жамоаси учун "катта ютуқ" бўлишини айтди.
Чемпионлар лигаси плей-офф босқичида "Реал"га умумий ҳисобда 6:3 ҳисобида мағлуб бўлган "шаҳарликлар" энди келаси мавсумда фақат Премьер-лига орқали Европанинг элит мусобақасига йўл олиши мумкин.
"Манчестер Сити" ҳозирда Премьер-лигада тўртинчи ўринни эгаллаб турибди, учинчи ўриндаги "Ноттингем Форест"дан 3 очко ортда қолмоқда, Гвардиола эса кучли тўртликда қолишни истамоқда.
"Мен учинчи ёки тўртинчи ўрин билан фахрланаманми? Бу ақл бовар қилмайдиган натижа бўларди. Бу катта ютуқ бўларди, 100 фоиз. Биз кечки овқатга чиқамиз, сизни таклиф қиламан. Ресторанни сиз танлайсиз, мен тўлайман!
Мақсад - Чемпионлар лигасига йўлланма олиш. Бу катта муваффақият бўларди. Ўйлайманки, биз буни уддалаймиз, аммо бу қандай бўлишини реаллик кўрсатади", - деди Гвардиола.
