«Реал Мадрид» бош мураббийи Карло Анчелотти Ла Лиганинг 25-турида «Жирона»га қарши ўйин (2:0) ҳақида фикр билдирди. Ушбу баҳсда Лука Модрич гол урди ва мураббий унинг ўйинини юқори баҳолади.  

«Модрич футбол учун ҳақиқий совға. У ўзи хоҳлаганча ўйнаши керак. У ўз ишини жуда яхши бажаради. Биз бундай афсона билан ишлаш имконига эга эканимиз катта омад.

Менинг жамоамда 40 ёшгача ўйнаган яна бир футболчи бўлган — Паоло Мальдини. У билан Модрични солиштириш мумкин, чунки иккаласи ҳам идеал футболчи қандай бўлиши кераклигининг ёрқин намунаси. Улар тасодифан 40 ёшгача майдонга тушмаган. Бу ерда генетика ҳам муҳим, аммо энг асосийси — ишга бўлган муносабат ва меҳнатсеварлик», — деди Анчелотти.

Модрич 2012 йилдан буён «Реал» сафида тўп тепмоқда. У шу пайтгача жами 574 ўйинда иштирок этиб, 43 гол урган ва 92 ассист қайд этди.