"МЮ" Расмус Хейлунддан ҳафсаласи пир бўла бошлади.
Manchester Evening News нашри тарқатган хабарга кўра "Манчестер Юнайтед" мураббийлар штаби Хейлунднинг голсиз давом этаётган сериясидан тоқати тоқ бўлмоқда. Ҳужумчи кетма-кет 16 ўйинда гол ура олмаяпти - даниялик сўнгги бор 12 декабрь куни Европа Лигасида "Виктория Пльзен"га қарши ўйинда (2:1) дубль қайд этганди.
Қайд этилишича, "МЮ" мураббийларидан бири "Тоттенхэм"га (0:1) қарши ўйиндан кейин Хейлунднинг ўйини ҳақида кескин фикр билдирган. Шу билан бирга, штаб ходимлари машғулотлар пайтида Расмусни қўллаб-қувватлайди.
2024/25 йилги мавсумда Хейлунд АПЛнинг 21 ўйинида 2 та гол урди.
