Расмий сайтимиз орқали ойнинг энг яхши ўйинчисини аниқлаб бориш сўровини йўлга қўйдик. Бу борада май ойининг энг яхши ўйинчиси тажрибали дарвозабон Юрий Цой бўлди.
Сўров якунлари бўйича Цой 29 балл тўплаб биринчи ўринни қўлга киритди. Ҳимоячи Даврон Турсунов эса 25 овоз билан 2-ўринни банд этди. 3-ўриндан ярим ҳимоячи Баҳром Абдураҳимов 24 балл билан жой олди.
Юрий Цой мухлислар ўртасида кўп овоз олишига Уйчида кўрсатган ўйини муҳим роль ўйнади, дейиш мумкин. "Хотира-79" жамоасига қарши сафардаги беллашувда Цой пенальтини қайтариб шу куни дарвозаси даҳлсизлигини сақлаб қолганди. Қолаверса, айни пайтда жамоамиз Шарқ минтақасида пешқадамлик қилишида бу дарвозабоннинг ҳиссаси катта бўлмоқда.
