Саудия Арабистони чемпионатининг 22-турида "Ан-Наср" сафарда "Ал-Веҳда"ни мағлуб этди - 2:0.

Голларга Криштиану Роналду ва пенальтини аниқ амалга оширган Садио Мане муаллифлик қилди. Португалиялик футболчи 11 метрлик жарима зарбасини ижро этиш ҳуқуқини сенегаллик шеригига берди. Роналду учун бу гол фаолиятидаги 925-гол бўлди.

"Ан-Наср" очколарини 47 тага етказиб, Премьер-лига турнир жадвалида учинчи ўринда бормоқда. "Ал-Веҳда" 13 очко билан турнир жадвалини якунлаб берди.

СПЛ, 22-тур

Ал-Ваҳда - Ан-Наср - 0:2

Голлар: Криштиану Роналду , 48 (0:1). Мане С., 90+9 - пенальтидан (0:2)