"Манчестер Юнайтед" бош мураббийи Рубен Аморим ҳужумчи Расмус Хёйлунднинг муаммолари ҳақида гапирди.
22 ёшли футболчи жорий мавсумдаги ўйинлари учун тез-тез танқидларга учради. У "қизил иблислар" сафида барча мусобақаларда 33 та ўйинда 7 та гол урган, бироқ Премьер-лиганинг 21 ўйинида атиги 2 марта рақиб дарвозасини ишғол қилган.
"Ўйлашимча, биз Расмусга жамоа сифатида ёрдам бермаяпмиз. "МЮ" рақиб дарвозаси олдида тез-тез таҳдид солмайди.
Шу боис мен ҳужумчиларимизга ёрдам етишмаётганини ҳис қиляпман. Менимча, Хёйлунд катта салоҳиятга эга.
Агар ўйинимизни яхшиласак, унда гол уриш учун кўпроқ имкониятлар бўлади", - дея Аморимнинг сўзларини келтиради журналист Саймон Стоун.
