Англия чемпионатининг 28-тури доирасида «Манчестер Сити» сафарда «Тоттенхэм» клуби меҳмони бўлиб, кичик ҳисобда ғалаба қозонди. Ушбу ўйиндан сўнг «Сити»нинг бош мураббийи Пеп Гвардиолага Ҳусанов ҳақида савол берилди. Хосеп эса 20 ёшли ҳимоячи ҳақида илиқ сўзлар ишлатди.  

«Менга Ҳусановда ёққан нарса – у аллақачон кийиниш хонасида севимли футболчилардан бирига айланган. У бугунги ўйинга махсус анжомлари учун ажратилган сумкасиз (тиш шетка ва бошқалар) келди, фақат футбол ўйнаш учун. У билан гаплашсангиз, шунчаки кулиб қўяди.  

Аммо у жуда ишончли ўйинчи, жуда тезкор, жуда чаққон ва унинг тўп билан узатмалари сифати жуда юқори. У ҳимоя чизиғини ёриб ўтиш қобилиятига эга. Албатта, у ҳали кўп нарсалар устида ишлаши керак, лекин у бор-йўғи 20 ёшда. Мен жуда тез футболчиларни кўрганман ва Абдуқодир улардан бири.  

Одамлар уни олқишламоқда. У кам гапиради, кўп меҳнат қилади, шикоят қилмайди ва камтар. Мен «Сити» мухлислари уни жуда яхши кўриб қолишларига шубҳа қилмайман. У «Челси»га қарши ўйиндан сўнг тикланишда қийинчиликларга дуч келди, лекин ўша кундан бери катта чидамкорлик намойиш этди. Ҳусановнинг сўнгги баҳслардаги ўйини жуда-жуда таассурот қолдирмоқда», — деди Пеп Гвардиола.