Angliya chempionatining 28-turi doirasida «Manchester Siti» safarda «Tottenxem» klubi mehmoni bo‘lib, kichik hisobda g‘alaba qozondi. Ushbu o‘yindan so‘ng «Siti»ning bosh murabbiyi Pep Gvardiolaga Husanov haqida savol berildi. Xosep esa 20 yoshli himoyachi haqida iliq so‘zlar ishlatdi.  

«Menga Husanovda yoqqan narsa – u allaqachon kiyinish xonasida sevimli futbolchilardan biriga aylangan. U bugungi o‘yinga maxsus anjomlari uchun ajratilgan sumkasiz (tish shetka va boshqalar) keldi, faqat futbol o‘ynash uchun. U bilan gaplashsangiz, shunchaki kulib qo‘yadi.  

Ammo u juda ishonchli o‘yinchi, juda tezkor, juda chaqqon va uning to‘p bilan uzatmalari sifati juda yuqori. U himoya chizig‘ini yorib o‘tish qobiliyatiga ega. Albatta, u hali ko‘p narsalar ustida ishlashi kerak, lekin u bor-yo‘g‘i 20 yoshda. Men juda tez futbolchilarni ko‘rganman va Abduqodir ulardan biri.  

Odamlar uni olqishlamoqda. U kam gapiradi, ko‘p mehnat qiladi, shikoyat qilmaydi va kamtar. Men «Siti» muxlislari uni juda yaxshi ko‘rib qolishlariga shubha qilmayman. U «Chelsi»ga qarshi o‘yindan so‘ng tiklanishda qiyinchiliklarga duch keldi, lekin o‘sha kundan beri katta chidamkorlik namoyish etdi. Husanovning so‘nggi bahslardagi o‘yini juda-juda taassurot qoldirmoqda», — dedi Pep Gvardiola.