"Реал" ярим ҳимоячиси Дани Себальос жароҳат олиб, шифохонага ётқизилди. Шундан сўнг, 28 ёшли футболчи ижтимоий тармоқлар орқали баёнот берди.
"Мавсумнинг жуда муҳим даврида жамоага ёрдам бера олмаслигим жуда ачинарли. Ва мен ҳаётимдаги энг яхши лаҳза деб ҳисоблаган нарсани тўхтатишга мажбур бўлганим жуда қайғули. Лекин футбол шунақа. У ҳар доим ҳам оддий ва унчалик адолатли эмас. Мен буни куч, курашиш истаги ва янада кучли бўлиб қайтишимга ишонч билан қарши олишим керак. Тез орада, сиз ўйлагандан ҳам олдинроқ кўришамиз," деб ёзган Себальос.
Аввалроқ Дани Себальоснинг тикланиш муддати ҳақида маълумот пайдо бўлганди. Катта эҳтимол билан хавбек фақат май ойида ўйнашга тайёр бўлади.
