"Фенербахче" бош мураббийи Жозе Моуриньо Туркия чемпионатининг 25-туридан ўрин олган ўйиндан сўнг "Галатасарой"га (0:0) нисбатан фикр билдиргани учун 4 та ўйинга дисквалификация қилинди.

Sky TG24 хабарига кўра, 62 ёшли мутахассис ирқчилик қилгани учун иккита ўйинга, шунингдек, словениялик Славко Винчич бригадасининг тўртинчи ҳаками шаънига ҳақоратли ибора ишлатгани учун яна иккита ўйинга дисквалификация қилинди.

Шу тариқа, мутахассис "Фенербахче"нинг "Антальяспор," "Самсунпор," "Бодрум" ва "Трабзонспор"га қарши ўйинларини ўтказиб юборади.

"Галатасарой"га қарши ўйин якунида португалиялик мутахассис захира ўриндиғидаги футболчилар, шунингдек, рақиб мураббийлар штабини маймунлардек сакрашганини айтди. "Галатасарой" буни ирқчилик деб атаб, "Жозенинг турк халқига нисбатан айтган гаплари ғайриинсоний," деди.